ভয়াবহ বানৰ বিভীষিকাৰ মাজতে গোৱালপাৰা জিলাৰ জলেশ্বৰৰ চিলাৰভিটাত উত্তপ্ত পৰিস্থিতি

ভয়াবহ বানৰ বিভীষিকাৰ মাজতে গোৱালপাৰা জিলাৰ জলেশ্বৰৰ চিলাৰভিটাত উত্তপ্ত পৰিস্থিতি

ভয়াবহ বানৰ বিভীষিকাৰ মাজতে গোৱালপাৰা জিলাৰ জলেশ্বৰৰ চিলাৰভিটাত উত্তপ্ত পৰিস্থিতি । সহস্ৰাধিক ৰাইজে কপাই তুলিলে চিলাৰভিটাৰ মথাউৰি । চিলাৰভিটাত নিশ্চিহ্নৰ দিশত খৰমুজা বেলডুবি সংযোগী মথাউৰি । চিলাৰভিটাত যিকোনো মূহুৰ্তত চিঙি যাব পাৰে মথাউৰি । ফলত  আতংকিত জলেশ্বৰ সমষ্টিৰ লক্ষাধিক জনসাধাৰণ । নিশ্ঢহ্নৰ কৱলত পৰা মথাউৰি ৰক্ষাৰ দাবীত বিভিন্ন শ্লোগানেৰে পৰিবেশ উত্তাল কৰি তুলিলে ৰাইজে।  অসম চৰকাৰ হায় হায় । জল-সম্পদ বিভাগ হায় হায় । জলেশ্বৰৰ বিধায়ক হায় হায় । সাংসদ বদৰুদ্দিন আজমল হায় হায় । চিলাৰভিটাৰ মথাউৰি ৰক্ষা কৰক আদি বিভিন্ন শ্লোগানেৰে পৰিবেশ উত্তাল কৰি তোলে ৰাইজে । উল্লেখযোগ্য যে দীৰ্ঘদিন ধৰি গৰাখহনীয়াৰ কৰাল গ্ৰাসত পৰিছে জলেশ্বৰ সমষ্টিৰ চিলাৰভিটা,কাঠূৰী আৰু টাকিমাৰী অঞ্চল । দিনক দিনে সংকটজনক পৰিস্থিতিৰ সৃষ্টি হৈছে মথাউৰিৰ । এই মথাউৰটোৰ গৰাখহনীয়া ৰোধৰ ক্ষেত্ৰত একপ্ৰকাৰ ব্যৰ্থ হৈ পৰিছে জল-সম্পদ বিভাগৰ লগতে স্হানীয় বিধায়ক চাহাব উদ্দিন আহমেদ । মনকৰিবলগীয়া যে ব্ৰহ্মপুত্ৰ নদীৰ জলস্তৰ বৃদ্ধি পোৱাৰ লগে লগে প্ৰৱল সংকটজনক হৈ পৰিছে এই মথাউৰটোৰ অৱস্হা । কিন্ত কাণসাৰ নাই জল-সম্পদ বিভাগৰ লগতে চৰকাৰৰ । ফলত ক্ষোভিত হৈ পৰিছে জলেশ্বৰ সমষ্টিৰ হাজাৰ হাজাৰ লোক । আনফালে মথাউৰি ছিগাৰ আশংকাত শ শ পৰিয়ালৰ লোকে নিজৰ ঘৰ-দুৱাৰ স্হানান্তৰ কৰিবলগীয়া হৈছে । বিনিন্দ্ৰ ৰজনি  কটাবলগীয়া হৈছে হাজাৰ হাজাৰ লোকে । উল্লেখযোগ্য যে এই মথাউৰটো চিঙি গ'লে যিকোনো সময়ত সাগৰত পৰিণত হব পাৰে জলেশ্বৰ সমষ্টি । নিশ্চিহ্ন হব হাজাৰ হাজাৰ লোকৰ ঘৰ-দুৱাৰৰ লগতে বিস্তীৰ্ণ অঞ্চলৰ কৃষি ভূমি । অতিশীঘ্ৰেই এই মথাউৰটো ৰক্ষা নকৰিলে জলেশ্বৰ সমষ্টিলৈ এক ভয়ংকৰ দূৰ্যোগ নামি অহাটো একপ্ৰকাৰ খাটাং ।