টীয়কত সৰ্বভাৰতীয় পৰ্য্যায়ত কৃষি বিপনণ পৰিষদৰ নৱনিযুক্ত অধ্যক্ষক সম্বৰ্দ্ধনা

টীয়কত সৰ্বভাৰতীয় পৰ্য্যায়ত কৃষি বিপনণ পৰিষদৰ নৱনিযুক্ত অধ্যক্ষক সম্বৰ্দ্ধনা 

TEOK:ভাৰতীয় জনতা পাৰ্টিৰ কলিয়াপানী মণ্ডলৰ কাৰ্যালয়ত আজি   সৰ্বভাৰতীয় পৰ্য্যায়ত কৃষি বিপনণ পৰিষদৰ অধ্যক্ষ নিযুক্তি লাভ কৰা জেষ্ঠ বিজেপি নেতা পালিত বৰাক সম্বৰ্দ্ধনা জনোৱাৰ উদ্দেশ্যে এক কাৰ্যসূচী গ্ৰহণ কৰা হয়। কলিয়াপানী মণ্ডল বিজেপিল সভাপতি দীপক শইকীয়াৰ সভাপতিত্বত আয়োজিত এই সভাত মণ্ডলটো অধীনস্থ পঞ্চায়ত তথা ৱাৰ্ডকে ধৰি বিভিন্ন পৰ্যায়ৰ দায়িত্বত থকা বিজেপি সদস্যসকলে জেষ্ঠ নেতাজনক সম্বৰ্দ্ধনা জ্ঞাপন কৰে।উক্ত সমগ্ৰ কাৰ্যসূচীত বিজেপি দলৰ ৰাজ্যিক কাৰ্যনিৰ্বাহকৰ সদস্য দেৱজিত বৰুৱা,প্ৰাক্তন জিলা সভাপতি জিতু হাজৰিকা, ৰফিক উজ জামানকে ধৰি কেইবাজনো জিলা আৰু মণ্ডলৰ বিষয়ববীয়া উপস্থিত থাকে।উল্লেখযোগ্য যে নৱনিযুক্ত বৰাই দায়িত্ব গ্ৰহণ কৰিয়েই  অসমৰ যুৱকসকলক স্বাৱলম্বী কৰাৰ অৰ্থে ইতিমধ্যে ইতিবাচক ব্যৱস্থা গ্ৰহণ কৰিছে বুলি জানিবলৈ দিছে।