তিনিচুকীয়া জিলাৰ ধলা বন গাঁৱত বনৰীয়া হাতীৰ আক্ৰমণত প্ৰাণ গ’ল এজনৰ

 

 তিনিচুকীয়া জিলাৰ ডুমডুমা বন সংমণ্ডল অধীনৰ তালাপ বনাঞ্চলিক বিষয়া কাৰ্যালয় অন্তৰ্গত হাঁহখাতী ৰিজাৰ্ভ ফৰেষ্ট সমীপৰ ধলা বন গাঁৱত কালি নিশা প্ৰায় ১২ বজাত বনৰীয়া হাতীয়ে গাঁওখনত খাদ্যৰ সন্ধানত প্ৰৱেশ কৰি তাণ্ডৱ চলাই ৷ বনৰীয়া হাতীৰ জাকটো খেদিবলৈ চেষ্টা কৰা অৱস্থাত দমন কন্দ নামৰ ব্যক্তিজনক বনৰীয়া হাতীৰ জাকৰ এটা হাতীয়ে আক্ৰমন কৰা ফলত থিতাতে মৃত্যু হয়। নিশাই গাঁওবাসীয়ে হাঁহখাতী আৰু তালাপ আৰু ছৈখোৱা বন বিভাগক অৱগত কৰে যদিও আজি পুৱাৰ ভাগতহে বন বিভাগৰ লোক আহি উপস্থিত হয় আৰু মৃত্যু হোৱা লোকজনৰ মৃতদেহ মৰণোত্তৰ পৰীক্ষাৰ বাবে তিনিচুকীয়ালৈ প্ৰেৰণ কৰে।