ডিগবৈত শোকাৱহ পথ দুৰ্ঘটনাত প্ৰাণ গ’ল এগৰাকী জাতীয়তাবাদী নেত্ৰী তথা নাট্য জগতৰ সৈতে জড়িত মহিলা

 

 

ডিগবৈত বছৰটোৰ অন্তিম দিনটোতে এক শোকাৱহ পথ দুৰ্ঘটনাত এগৰাকী জাতীয়তাবাদী নেত্ৰী তথা নাট্যজগতৰ সৈতে জড়িত মহিলাৰ মৃত্যু৷ মৃত্যু হোৱা মহিলা গৰাকী ডুমডুমা ৰূপাইৰ বিশ্বৰূপা নেওঁগ মৰান৷ স্বামী কৃষ্ণ মৰানৰ সৈতে BR 1 AH 8912 নম্বৰৰ ইণ্ডিগ' গাড়ীখনেৰে বিশ্বৰূপাই নিজ পুত্ৰক ডিগবৈৰ আৰ ডি জুনিয়ৰ কলেজৰ হোষ্টেলত থৈ ঘৰলৈ উভতি অহাৰ সময়ত টিংৰাই-ডুমডুমা সংযোগী পথত এজোপা গছত প্ৰচণ্ড জোৰে খুন্দা মাৰে ৷

ফলত গুৰুতৰভাৱে আহত দুয়োকে ডিগবৈ অসামৰিক চিকিৎসায়লৈ লৈ যোৱা হয় যদিও বিশ্বৰূপাৰ মৃত্যু হয় আৰু স্বামী কৃষ্ণক উন্নত চিকিৎসাৰ বাবে ডিব্ৰুগড়লৈ প্ৰেৰণ কৰে৷ নিহত বিশ্বৰূপা নেওঁগ জাতীয়তাবাদী যুৱ ছাত্ৰ পৰিষদৰ ভগ্নী সংগঠন জাতীয়তাবাদী মহিলা পৰিষদৰ এগৰাকী নেত্ৰীৰ লগতে এগৰাকী নাট্য জগতৰ সৈতে জড়িত মহিলা আছিল৷ বিশ্বৰূপা নেওঁগ নিউজ লাইভ চেনেলৰ ডুমডুমা, কাকপথাৰ সংবাদাতা মনোৰঞ্জন নেওঁগৰ ভগ্নী৷ তেওঁৰ মৃত্যুত জাতীয়তাবাদী সংগঠনৰ লগতে নাট্য জগতৰ সকলোৰে মাজত শোকৰ ছাঁ পৰিছে।